Qarshi muhandislik iqtisodiyot institutida Oʻzbekiston milliy metrologiya instituti, Qashqadaryo hududiy filiali, Departament va “OʻzTest” markazi Qashqadaryo boʻlinmalari masʼullari bilan birgalikda talabalar ishtirokida “Ishlab chiqarish hamda xizmat koʻrsatish sohalarida zamonaviy metrologiyaning oʻrni va ahamiyati” mavzusida ilmiy amaliy seminar oʻtkazildi. Mazkur uchrashuvda mahsulot ishlab chiqarishda, uning sifatini taʼminlashda hamda isteʼmolchilar manfaatlarini himoya qilishda oʻlchovlarning ishonchli va haqqoniy boʻlishi muhimligi taʼkidlandi. Shuningdek, xizmat koʻrsatish sohalarida yuqori sifatga asoslangan xalqaro standartlarning oʻrni muhimligi va bu jarayonlarda davlat nazorati tadbirlari oʻtkazilib kelinayotgani ijobiy samara berayotgani ham aytib oʻtildi.