O‘zbekiston texnik jihatdan tartibga solish agentligi tizim tashkilotlarining hududiy filiallari tomonidan ishlab chiqarish sanoat korxonalari faoliyati bilan tanishish va ularga amaliy yordam ko‘rsatish bo‘yicha tizimli ishlar olib borilmoqda.
"O‘zbekiston ilmiy-sinov va sifat nazorati markazi" davlat muassasasi Qoraqalpog‘iston filiali xodimlari Nukus tumanida faoliyat yurituvchi "QANLI XANTORE" mas’uliyati cheklangan jamiyatining ishlab chiqarish jarayoni bilan yaqindan tanishdi.
Sut va sut mahsulotlari ishlab chiqarishga ixtisoslashgan mazkur korxona mas’ullariga standart talablariga to‘liq javob bera oladigan sifatli va xavfsiz mahsulotlar ishlab chiqarish hamda sohaga oid boshqa masalalar yuzasidan tegishli tushunchalar berilib, texnik reglamentlar bilan ta’minlandi.