“O‘zstandart” agentligi huzuridagi Departament tomonidan sertifikatlashtirish idoralarining ishlab chiqarilayotgan hamda chetdan kirib kelayotgan mahsulotlarni sifati va xavfsizligini baholash yo‘nalishidagi faoliyati tahliliy o‘rganildi.
O‘rganishlar natijasida arizalarni o‘z vaqtida ko‘rib chiqmaganligi, sinovlarni to‘liq o‘tkazmaganligi hamda sinov dasturi mavjud emasligi sababli “Dori vositalari, tibbiy buyumlar va tibbiy texnika ekspertizasi va standartlashtirish” markazi, “Sanoat xavfsizligi ko‘maklashish” markazi, “Qishloq xo‘jaligi texnikalari va texnologiyalari sinovdan o‘tkazish” markazi va “O‘lchash va sinov vositalarini sertifikatlashtirish” bo‘limi sertifikatlashtirish idoralari mas’ul xodimlari ma’muriy jarimaga tortildi.