“O‘zstandart” agentligi tizimidagi mutaxassislar malakasini oshirish hamda xalqaro darajada tayyorlash maqsadida Koreya, Malayziya, Xitoy, Turkiya, Rossiya, Germaniya, Armaniston, Qozog‘iston, Belarus va Moldova davlatlarida 260 nafar mutaxassislar amaliyot o‘tadilar.
Shuningdek, Xitoy Xalk Respublikasining “Bir mintaqa Bir Makon” dasturi asosida 2018 yil davomida “Oziq-ovqat xavfsizligi import-eksport nazorati”, “Import-eksport qishlok xo‘jaligi mahsulotlarini nazorati”, “Don va don mahsulotlarini qayta ishlash va tekshirish texnologiyasi” mavzularida 200 nafar xodimlar Xitoy Xalk Respublikasida o‘z malakalarini oshirdilar.
Bulardan tashqari, xalqaro tashkilotlardan ekspertlarni jalb etgan holda o‘quv seminarlari tashkil etilib, ularda 50 dan ortiq mutaxassilar ishtiroki ta’minlandi. Buning natijasida 42 nafar mutaxassislar xalqaro ekspert-auditorlik maqomiga ega bo‘ldilar
“O‘zstandart” agentligi Toshkent davlat texnika universiteti, Toshkent kimyo texnologiya instituti, Toshkent to‘qimachilik va yengil sanoat instituti, Toshkent farmatsevtika instituti va Turin politexnika universitetlari bilan hamkorlik asosida talabalarning amaliyot o‘tashlari, iqtidorli kadrlarni tayyorlash va ularni ishga jalb qilish maqsadida bitim va memorandumlar imzolandi.