Metallurgiya mahsulotlarining xavfsizligi to‘g‘risidagi umumiy texnik reglament respublikamizning metallurgiya tarmog‘i tomonidan 2015 yilda ishlab chiqilgan. O‘zbekiston Respublikasida so‘nggi 5 yil mobaynida metallurgiya mahsulotlari uchun (yuqori mustahkamlikdagi prokat, metallkonstruksiya uchun prokat, katanka, armaturalash uchun sim, varaqli prokat) yangi standartlar qabul qilindi.
Standartlarni uyg‘unlashtirish, tashqi bozorlarda mahalliy mahsulotlarni raqobatbardoshligini oshirish va iste’molchilarni sifatli metal mahsulotlari bilan ta’minlash uchun amaldagi metallurgiya mahsulotlari xavfsizligi to‘g‘risidagi umumiy texnik reglamentga o‘zgartirishlar kiritilishi hamda xalqaro talablar bilan uyg‘unlashtirilish lozim.
Shu maqsadda “O‘zsanoatqurilishmateriallari” AJ qoshida tuzilgan texnik jihatdan tartibga solish sohasidagi ekspert kengashi tomonidan “Metallurgiya mahsulotlari xavfsizligi to‘g‘risida”gi umumiy texnik reglamentining yangi tahrirdagi loyihasi ishlab chiqilib O‘zbekiston Respublikasi
normativ-huquqiy hujjatlar loyihalari muhokamasi https://regulation.gov.uz/oz/document/21459 portaliga joylashtirildi.