«O‘zstandart» agentligi Bosh direktori tomonidan 2016 yil 29 iyulda tasdiqlangan «2016 yil 2-yarim yillikda viloyatlardagi shahar, tumanlarda jismoniy va yuridik shaxslarning sayyor qabuli rejasi»ga asosan, joriy yilning 20 oktyabr kuni “O‘zstandart agentligi” Bosh direktori matbuot kotibi A. G. Rasulov ishtarokida “Chirchiq sinov va sertifikatlashtirish markazi” davlat korxonasida navbatdagi «Sayyor qabul» uchrashuvi bo‘lib o‘tdi.
Yig‘ilishni “Chirchiq SSM” DK direktori D.Atabekov kirish so‘zi bilan ochib, hududda tadbirkorlar va ishlab chiqaruvchi korxonalar tomonidan mahsulot ishlab chiqarish va eksport qilish bo‘yicha olib borilayotgan ishlar, bu soxada “O‘zstandart” agentligining xududiy bo‘linmalari tomonidan ko‘rsatilayotgan amaliy va uslubiy yordamlar haqida gapirib o‘tdi.
“O‘zstandart agentligi” Bosh direktori matbuot kotibi A. G. Rasulovo‘z so‘zida kun tartibidagi masala bo‘yicha yig‘ilishda mahsulot ishlab chiqaruvchi korxonalar vakillari, tadbirkorlar o‘zlarini qiziqtirgan savollari yoki yechilmagan muammolari bilan murojaat etishlari mumkinligi xaqida yig‘ilish qatnashchilariga ma’lum qildi.
Shuningdek, Chirchiq sinov va sertifikatlashtirish markazi davlat korxonasi direktori tomonidan, markazga korxona, tadbirkorlardan, axolidan kelib tushayetgan og‘zaki, hamda yozma savollar va ularga berilgan javoblar to‘g‘risida yig‘ilish qatnashchilariga ma’lumot berdi.
Shundan so‘ng markaz mutaxassislari va yig‘ilish qatnashchilari o‘rtasida muhokama qilingan masalalar yuzasidan savol-javoblar bo‘lib o‘tdi.