“O‘zstandart” agentligi tomonidan Prezidentimizning 2017 yil 12 yanvardagi PF-4931-sonli farmonining ijrosini ta’minlash maqsadida Respublika sinov va sertifikatlashtirish markazining Buxoro, Qo‘qon, Samarqand, Xorazm hududiy sinov va sertifikatlashtirish markazlari qoshida xalqaro talablarga mos keladigan mahsulotlarni standartlashtirish, sertifikatlashtirish va markirovka qilish xizmatlarini ko‘rsatish bo‘yicha ilmiy ishlab chiqarish markazlari tashkil etildi.

2017 yilning birinchi yarim yilligida “RespublikaSSM” DK bo‘yicha jami 23 nafar xodimlar malaka oshirgan bo‘lib, jumladan 15 nafari Standartlashtirish, metrologiya va sertifikatlashtirish ilmiy tadqiqot institutida, 6 nafari Belorussiyaning standartlashtirish, metrologiya va sifatni boshqarish bo‘yicha kadrlar malakasini oshirish va qaytatayyorlash davlat institutida va 2 nafari Turkiyaning Turkstandartlari institutida malaka oshirishdi.

Toshkentda Xitoy Xalq Respublikasining mamlakatimizdagi elchixonasi savdo-iqtisodiy masalalar bo‘yicha maslahatchisi devonxonasi tomonidan «O‘zbekiston – Xitoy savdo-iqtisodiy munosabatlari zamonaviy bosqichda» mavzuida brifing o‘tkazildi. 

“O‘zstandart” agentligi tomonidan Respublikamizda mahsulot ishlab chiqaruvchilarini qo‘llab-quvvatlash va tadbirkorlarning eksport imkoniyatlarini kengaytirish maqsadida O’z DSt 3185:2017 Halqaro va mintaqaviy standartlarni O‘zbekiston Respublikasi davlat standartlari sifatida qabul qilindi.