Oʻzbekiston Texnik jihatdan tartibga solish Agentligida davlatimiz rahbarining “Yangi Oʻzbekiston strategiyasi” kitobi taqdimoti boʻlib oʻtdi. Taqdimotda Oʻzbekiston Respublikasi Oliy Majlis Qonunchilik palatasi Yoshlar Parlamenti aʼzosi, Respublika Yoshlar Parlamenti raisi Sobitov Otabekxoʻja kitob haqida gapirar ekan, kitobda Yangi Oʻzbekiston va Uchinchi Renessansni qurish boʻyicha qilinayotgan ishlar va milliy taraqqiyot istiqbollari haqida fikr yuritilganligini qayd etdi. Maʼruzachi kitob haqida gapirarkan, oʻz soʻzini mashhur yunon faylasufi Suqrotning “Oʻzgalarni oʻzgartirmoqchi boʻlgan inson, avvalo, oʻzini oʻzgartirishi lozim. Buning uchun esa, aniq maqsad, tolmas iroda va doimiy izlanish kerak” degan soʻzlari necha ming yil oldin aytilgan boʻlsa-da, ammo hozirga qadar oʻz ahamiyatini yoʻqotmaganligi, bugun biz Prezidentimiz boshchiligida Oʻzbekistonning yangicha qiyofasini yaratish, yangi demokratik jamiyatni barpo etishdek ulugʻ maqsad ortidan yoʻlga chiqayotgan ekanmiz, demakki, bunga erishish uchun oldimizda aniq rejalar boʻlmogʻi lozimligini alohida taʼkidladi. Yurtimizda “Hammasi xalq uchun” gʻoyasi ostida amalga oshirilayotgan islohotlar va bugun har bir fuqaro oʻz hayotida ijobiy oʻzgarishlarni his etayotganligini taʼkidlar ekan, davlatimiz rahbarining “Yangi Oʻzbekiston strategiyasi” kitobida keyingi 5 yilda amalga oshiriladigan strategik yoʻl aniq va ravshan bayon etilganligini qayd etdi.

Oʻzbekiston yoshlar ittifoqining Oʻzbekiston Texnik jihatdan tartibga solish agentligi boshlangʻich tashkiloti oʻz safiga 500 nafardan ortiq yoshlarni birlashtirib, yoshlarni ijtimoiy himoyalash, ularda komil inson fazilatlarini tarbiyalash, dunyoqarashini bunyodkor gʻoyalar bilan oziqlantirish, intellektual mulkka egalik tuygʻusini shakllantirish, tashabbus va yangiliklarini qoʻllab-quvvatlashdan iborat.

Oʻzbekiston texnik jihatdan tartibga solish agentligi tizim tashkilotlarining Navoiy viloyati hududiy filiallari xodimlari ishtiroklarida maʼrifiy uchrashuv tashkil etildi. Unda mamlakatimiz hayotida muhim boʻlgan Prezident saylovi jarayonlari yuzasidan maʼlumot berildi.

Mamlakatimizdagi telekommunikatsiya sohasi va bu sohadagi mahsulotlarni ishlab chiqarish jarayonlari bilan yaqindan tanishish maqsadida “Telekom innovation” Oʻzbekiston-Singapur qoʻshma korxonasida press-tur oʻtkazildi. 

Oʻzbekiston texnik jihatdan tartibga solish agentligi tomonidan tashkil etilgan Ommaviy axborot vositalari xodimlari ishtiroklaridagi press tur Buxoroda bir qator ishlab chiqarish korxonalarida davom ettirildi.

Texnik jihatdan tartibga solish agentligi, Turk standartlari instituti bilan hamkorlikda Toshkent davlat iqtisodiyot universitetining rahbar va masʼul xodimlari, professor-oʻqituvchilariga “Xalqaro ISO 9001 sifatni boshqarish tizimini joriy qilish” boʻyicha oʻquv kursi tashkillashtirildi.

Texnik jihatdan tartibga agentligi Maʼnaviyat va maʼrifat kengashining navbatdagi majlisi oʻtkazildi. Unda maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlarini ijrosini taʼminlash, kiyinish madaniyati masalalariga bagʻishlangan maʼnaviy-maʼrifiy tadbir oʻtkazildi. Majlis Bosh direktor raisligida agentlikning tizim tashkilotlari va hududiy filiallari rahbarlari ishtirokida oʻtkazildi.

Oʻzbekiston texnik jihatdan tartibga solish agentligi Matbuot xizmati va hududiy filiallar hamkorligida Buxoro viloyatida faoliyat koʻrsatayotgan tadbirkorlar bilan ochiq muloqot tashkil etildi.

Oʻzbekiston texnik jihatdan tartibga solish agentligining korrupsiyaga qarshi kurashish boʻlimi tomonidan Texnik jihatdan tartibga solish, standartlashtirish, sertifikatlashtirish va metrologiya sohalarida qonunchilik talablariga rioya qilinishini taʼminlash Departamenti va “OʻzTest”ning korrupsiyaga qarshi kurashish xodimlari hamkorligida Sirdaryo va Jizzax viloyati prokuraturalari masʼul xodimlari ishtirokida tizim tashkilotlari xodimlari uchun “Korrupsiya rivojlanishimizga toʻsiq” mavzusida profilaktika tadbirlari oʻtkazildi.

Agentlik huzuridagi Departament, Oʻzbekiston ilmiy-sinov va sifat nazorati markazi va Oʻzbekiston milliy metrologiya instituti Samarqand viloyatidagi filiallari maʼsullari viloyatda faoliyat koʻrsatayotgan “Kuk Saray Kamen” oilaviy korxonasida boʻlib, organik oʻgʻit (biogumus) mahsulotini yetishtirish jarayoni bilan tanishdilar.