Bugun Oʻzbekiston milliy metrologiya instituti Buxoro filiali va boshqa boʻlinmalari hamkorligida Buxoro hududiy elektr tarmoqlarida boʻlib, aholi isteʼmolchilariga va sanoat korxonalariga sifatli elektr energiyasini yetkazib berilishi, isteʼmol qilinayotgan elektr energiyasining hisobini yuritilishi, yangi “aqlli” elektr hisoblagichlarining ishlash prinsplari oʻrganildi va mazkur masala boʻyicha seminari tashkil etildi.

Xitoy Avtomobil texnologiyasi va tadqiqot markazi (CATARC) bilan Oʻzbekiston texnik jihatdan tartibga solish agentligi hamda “Oʻzavtosanoat” AJ xodimlari uchun tashkil etilgan “Elektromobillar uchun EV standartlari” mavzusidagi onlayn treyning seminarning yakuniy qismi boʻlib oʻtdi.

Oʻzbekiston texnik jihatdan tartibga solish agentligi qoshidagi Departament, “UzTest” markazi hamda Oʻzbekiston milliy metrologiya institutining Surxondaryo viloyati mutaxassislari “Surxondonmahsulotlari” aksiyadorlik jamiyatining Jarqoʻrgʻon tumanidagi “Alpomish” un tegirmoni masʼullariga profilaktika tadbiri oʻtkazdi.

 Oʻzbekiston texnik jihatdan tartibga solish agentligi huzuridagi “UzTest” markazi, Oʻzbekiston milliy metrologiya instituti hamda Departament Surxondaryo filiali masʼullari tomonidan “Yengil sanoat mahsulotlari xavfsizligi toʻgʻrisida”gi umumiy texnik reglamenti asosida “INDENIM” savdo markazi xodimlariga mahsulotlarning tamgʻalanishi, qadoqlanishi, isteʼmolchilarga yetkazib berish talablari yuzasidan batafsil maʼlumotlar yetkazildi.

Oʻzbekiston texnik jixatdan tartibga solish agentligi rahbariyati Jizzax viloyati sanoat zonasida joylashgan “Jizzax Kenteks” kalava ip ishlab chiqarish hamda “Ming Yuan Silu Industry” bezakli va rangli oynalar ishlab chiqarish korxonalarida boʻldilar.

"UzTest" markazi Fargʻona filiali mutaxassislari tomonidan Margʻilon shahrida joylashgan "Margʻilon boʻyoq Teks", "Sharq Aʼlo Teks" korxonalari hamda Fargʻona tumanidagi "BAHODIR LOGʻON TEXTILE" va "FERGANA OSEANA" qoʻshma korxonlarida toʻqimachilik sanoatidagi sohaga tegishli muammolar oʻrganildi.

O’zbekiston texnik jihatdan tartibga solish agentligi qoshidagi "UzTest" markazi hamda Departamentning Sirdaryo filiali mutaxassislari viloyatdagi korxonalarda "korxonabay" ishlash tizimini yo’lga qo’ygan holda uchrashuvlar tashkil etib kelmoqda.

OAVda xabar berilganidek, mamlakatimizda texnik jihatdan tartibga solish, standartlashtirish, sertifikatlash va metrologiya sohalarida tarkibiy islohotlarni yana-da chuqurlashtirish, sohani xalqaro andozalarga moslashtirish, standartlardan keng foydalanish muhitini yaratish, muvofiqlikni baholash jarayonlariga zamonaviy uslublarni joriy qilish maqsadida joriy yilning 02-iyun kuni Oʻzbekiston Respublikasi Prezidentining PF-6240 sonli farmoni va PQ 5133 sonli qarori qabul qilindi.

Oʻzbekiston Respublikasi Investitsiyalar va tashqi savdo vazirligi koʻmagida Yevropa Ittifoqi tomonidan moliyalashtirilgan va Xalqaro savdo markazi (ITC) tomonidan amalga oshirilayotgan “Oʻzbekistonning JSTga aʼzo boʻlishiga koʻmaklashish” loyihasi doirasida joriy yilning 05-09-iyul kunlari muvofiqlikni baholash xodimlari uchun integratsiyalashgan menejment tizimida audit oʻtkazish boʻyicha oʻquv seminari tashkil etildi.

Vazirlar Mahkamasining tegishli qaroriga ko‘ra, Dilshod Nematovich Sattarov O’zbekiston Respublikasi Investitsiyalar va tashqi savdo vazirligi huzuridagi O’zbekiston texnik jihatdan tartibga solish agentligi bosh direktori etib tayinlandi.