“O‘zstandart” agentligi yakunlanib borayotgan yilda standartlashtirish sohasida AQShning ASTM International tashkiloti, Germaniyaning ALPHA Consulting GmbH, Qozog‘istonning Standartlashtirish va sertifikatlashtirish instituti, Rossiya ilmiy-texnika axborot markazi Federal davlat unitar korxonasi, metrologiya sohasida esa Fransiya Milliy Metrologiya tashkiloti, Belorusiya davlat metrologiya instituti, Xitoyning Nanking bozorlarni tartibga solish Administratsiyaci, muvofiqlikni baholash sohasida Turkiyaning “TURKSERT” setrifikatlashtirish xizmatlari kompaniyasi, Koreya akkreditatsiya kengashi, Birlashgan Arab Amirliklarining Milliy Akkreditatsiya Tizimi, Xitoy Sertifikatlashtirish va inspeksiya guruhi, Turkiya akkreditatsiya agentliklari bilan kelishuv va memorandumlar imzolandi.

O’zstandart” agentligi huzuridagi  Departament mutaxassislari tomonidan joriy yil davomida tadbirkorlarni qo‘llab-quvvatlash va ularga qo‘shimcha qulayliklar yaratish  maqsadida bir turdagi mahsulotlarga yagona talablarni belgilovchi 10 ta davlat standartlari ishlab chiqildi.

“O‘zstandart” agentligi tomonidan qishloq ho‘jaligi mahsulotlarini eksport ko‘lamini kengaytirish va hajmini oshirish maqsadida joriy yilda 37 ta fermer xo‘jaliklari, “Eurocert” (Gretsiya) tomonidan Global G.A.P. standarti bo‘yicha xalqaro sertifikati rasmiylashtirib berildi. Buning natijasida Yevropa va boshqa davlatlariga eksport qilishga imkoniyat yaratildi.

Respublikamizda ishlab chiqarilayotgan yengil sanoat mahsulotlari va yetishtirilayotgan qishloq xo‘jaligi hamda boshqa mahsulotlarni Mustaqil Davlatlar Hamdo‘stligi, Yevropa Ittifoqi mamlakatlari bozorlariga eksport qilinishiga erishish maqsadida Respublika sinov va sertifikatlashtirish markazi va “O‘zbekiston eksportchilari uyushmasi” bilan hamkorlik Kelishuvi imzolandi.

Prezidentimizning 2018 yil 12 dekabrdagi PQ-4059-sonli “Texnik jihatdan tartibga solish, standartlashtirish, sertifikatlashtirish va metrologiya tizimlarini yanada rivojlantirish chora-tadbirlari to‘g‘risida”gi va 2019 yil 30 maydagi PQ-4348-sonli «Elektrotexnika sanoatini yanada rivojlantirish uchun qulay shart-sharoitlar yaratish va tarmoqning investitsiyaviy hamda eksport salohiyatini oshirish bo‘yicha qo‘shimcha chora-tadbirlar to‘g‘risida» gi qarorlari ijrosini ta’minlash, Xalqaro Elektrotexnika Komissiyasi (IEC) standartlarini qabul qilish va joriy etishni yanada samarali tizimini shakllantirish maqsadida IEC talablariga muvofiq “Milliy Elektrotexnika Qo‘mitasi” (NEC) tashkil etildi.

Standartlar instituti tomonidan joriy yilning 16-19 dekabrь kunlari Turk standartlari instituti bilan hamkorlikda yana bir o‘quv kurslari tashkil etildi.

“O‘zstandart” agentligi tomonidan korxonalarga amaliy yordam sifatida respublikamiz miqyosida joriy yilning o‘zida 1803 ta xalqaro standartlariga muvofiq boshqaruv tizimlari bo‘yicha sertifikatlar rasmiylashtirildi.
 

O‘zbekiston Respublikasi hududida foydalanilayotgan tarozilarning hammasi ham standart talablariga to‘liq javob berayapti deya olmaymiz. Ammo, bunday tarozilarning muomaladan chiqarilishi va respublikamiz hududiga kiritilmasligi ustidan tegishli soha mutahassislari tomonidan zarur chora tadbirlar ko‘rilmoqda.

SMIIC  tashkilotida “Halol Farmatsevtika masalalari” (Technical Committee TC 16 - Halal Pharmaceutical Issues)  va “Qo‘l xunarmandchiligi” (Technical Committee TC 17 – Handicraft) bo‘yicha  yangi texnik qo‘mitalar tashkil etildi.

Joriy yilning 11 dekabr kuni “O’zstandart” agentligida Rossiya Federatsiyasining “Tatneft” kompaniyasi, “O’zkimyosanoat” va  “Birinchi rezinotexnika zavodi”   vakillari  ishtirokida uchrashuv bo‘lib o‘tdi.