2016 yilning 12 avgust kuni “O’zstandart” agentligi bosh binosining kichik majlislar zalida Nankin (Xitoy) shahrining sifat va texnik nazorat bo’yicha Agentligi vakillari bilan uchrashuv bo’lib o’tdi.

Nankin shahrining sifat va texnik nazorat bo’yicha Agentligi hukumat ma’muriy idoralarining tarkibiy qismi hisoblanib, shahar bo’yicha mahsulotlar sifatining kompleks boshqaruvini amalga oshiradi, shuningdek sertifikatlashtirish va akkreditatlash, standartlashtirish, metrologiya, mahsulotlar sifatining tekshiruvi va ekspertizasi bilan shug’ullanadi.

Uchrashuvda gaz ballon uskunalarining nazorati sohasida hamkorlik qilish imkoniyatlari muhokama qilindi. Shuningdek, o’zaro malaka almashish va boshqa sohalardagi hamkorlik rejalari ko’rib chiqildi.

  Nankin shahrining sifat va texnik nazorat bo’yicha Agentligi vakillari tashrif davomida “O’zstandart” agentligining sinov laboratoriyalari faoliyati bilan tanishishdi, sifatni boshqarish sohasida o’zaro tajriba almashishdi va kelgusidagi hamkorlik imkoniyatlari haqida fikr bildirishdi. 

Axborot xizmati