Бугунги кунда мамлакатимизда саноат, қишлоқ хўжалик маҳсулотлари ишлаб чиқариш, уларни қайта ишлаш борасида салмоқли ишлар олиб борилмоқда. Айниқса, тармоқларга замонавий техника ва технологияларнинг жалб этилаётгани ишлаб чиқарилаётган маҳсулотларнинг сифати, уларнинг рақобатбардошлигини таъминламоқда.

Кичик бизнес ва хусусий тадбиркорлик субъектлари билан республикадаги йирик саноат ва ҳудудий корхоналар ўртасида тармоқлараро саноат кооперацияси алоқаларини янада кенгайтириш мақсадида ташкил этилган ярмаркада барча саноат ва ҳудудий корхоналари, хўжалик бирлашмалари қатнашмоқда.

Жорий йилнинг 3-4-август кунлари Ўзбекистон Савдо-саноат Палатасининг Қорақалпоғистон Республикаси бошқармасида ва Нукус шаҳридаги 2-сонли Спорт мактаби мажмуасида «Табиий ва минерал ресурсларни тиклаш, нефт-кимё саноати маҳсулотлари, қурилиш материаллари, мебелъ саноати, электроэнергия ва электротехника маҳсулотлари саноати» га ихтисослашган ҳудудий тармоқлараро саноат ярмаркаси бўлиб ўтмоқда.

Ушбу тадбирга Ўзбекистон техник жиҳатдан тартибга солиш агентлигининг “UzTest” давлат муассасаи Қорақалпоғистон Республикаси филиали ходимлари ҳам иштироқ этиб, маъсуллар томонидан маҳаллий ишлаб чиқарувчи корхоналарга стандартдартлаштириш, сертификатлаштириш ва маҳсулотларни синовдан ўтказиш бўйича маслаҳат хизматлари кўрсатилди.