Куни кеча Ўзбекистон техник жиҳатдан тартибга солиш агентлиги “УзТЕСТ” корхонаси Жиззах филиали вакиллари “Jizzax Toshtepa textile” МЧЖда бўлиб ҳамкорлик ишларини таҳлил қилишди. Жиззах шаҳрида жойлашган мазкур корхона текстил маҳсулотлари ишлаб чиқаришга ихтисослаштирилган. Корхонада ишлаб чиқарилаётган текстил маҳсулотлари асосан Россияга экспорт қилинмоқда. Жорий йилда бу ерда 15 миллион долларлик маҳсулот экспорт қилиш режалаштирилган бўлиб, ҳозирги кунга қадар сўнгги 5 ой мобайнида 7 милион долларлик маҳсулот экспорт қилишга эришилган. Корхонада ишлаб чиқарилаётган маҳсулотларни GSP+ доирасида Европа Иттифоқига  йўналтириш мақсадида филиал ходимларининг олиб борилган ишлар натижасида маҳсулотларни Италия ва Германия давлатларига экспорт қилиш бўйича шартномалар имзоланишига эришилди. Шундан бугунги кунда Италия давлатига 150 минг долларлик текстил маҳсулоти экспорт қилинмоқда.