Техник жиҳатдан тартибга солиш агентлигида  ёшлар сиёсати соҳасидаги ишлар натижадорлигини ошириш ҳамда улар билан ишлаш тизимини  такомиллаштириш мақсадида «Ватан менинг тақдиримда» мавзусида маърифий учрашув бўлиб ўтди.
Унда  ички ишлар вазири маслаҳатчиси, генерал-полковник, Турон Фанлар академияси академиги Зокиржон Алматов, юридик фанлари доктори, профессор,  ички ишлар вазирлиги Фахрийлар кенгаши аъзоси Абдуғафур Саттаров ва Ўзбекистон халқ артисти, Ўзбек миллий академик драма театри директори Ёдгор Саъдиевлар иштирок этди.
Дастлаб меҳмонлар Агентлик тизимидаги Ўзбекистон миллий метрология институтининг илм-фанга асосланган марказий осиёда ягона инновацион лабораториялари мажмуи – миллий эталонлар базаси фаолияти билан танишдилар.
Шунингдек маърифий учрашув давомида Зокир Алматовнинг «Ортда қолган таҳликали кунлар» номли китобининг тақдимоти бўлиб ўтди. Шундан сўнг «Изчил демократик ислоҳотлар жараёнида ёшларнинг маънавий мезонлари» мавзусида меҳмонларнинг маърузалари тингланди.
Учрашувда ёшларга берилаётган эътибор, уларни илмий изланишларга жалб қилиш, жамиятда муносиб ўринга эга бўлишлари  борасида элимиз ардоғидаги санъаткор Ёдгор Саъдиев ўз мулоҳазалари билан ўртоқлашди.