Бухоро шаҳрида “Қурилиш материаллари, тўқимачилик, нефть ва газ саноати, қишлоқ ва сув хўжалиги, туризм саноати учун маҳсулотлар ишлаб чиқариш ҳамда қоракўлчилик” тармоқлараро саноат ярмаркаси бўлиб ўтмоқда.
Тадбирда Ўзбекистон техник жиҳатдан тартибга солиш агентлигининг Давлат назорати Департаменти Бухоро бўлими, Ўзбекистон миллий метрология институти ва "УзТест" ДМлари Бухоро филиаллари ходимлари ҳам иштирок этишиб, янги турдаги ишлаб чиқарилган махсулотлар билан танишдилар.
Кўргазмада тадбиркорлар иштирокида секциялар тарзида ўтказилган амалий суҳбатлар давомида соҳага оид сўнгги маълумотлар мутахассислар томонидан тақдим қилинди. 
Махсулотларини сертификатлаштирмоқчи бўлган тадбиркорлар учун яратилган енгиллик ҳамда имтиёзлар тўғрисида кенг тушунчалар бериб ўтилди. Шунингдек, халқаро ISO сертификатлариyb олмоқчи бўлган корхоналар учун давлатимиз томонидан белгиланган имтиёзлар ҳақида ҳам алоҳида тушунтирилди.