Агентлик тизимидаги Ўзбекистон илмий-синов ва сифат назорати маркази, Бекобод филиали масъуллари иштирокида Бекобод шаҳар ҳокимлиги инвестиция ва ташқи савдо бўлими ва Тошкент вилояти божхона бошқармаси билан ҳамкорликда ишлаб чиқарувчи, экспортёр корхоналар ва ҳоким ёрдамчилари иштирокида учрашув ўтказилди. Учрашувда ишлаб чиқарувчи ва экспортёр корхоналарга Ўзбекистон Республикаси Президентининг ПФ-6240-сонли Фармони, ПҚ-5133-сонли Қарори Вазирлар Маҳкамасининг ВМ-175-сонли ва ВМ-826-сонли қарори мазмун моҳияти юзасидан маълумотлар берилди. Маҳсулотларни экспорт қилишда импортёр давлатнинг талабларини ўрганишда, мурожаатларига ўз вақтида сифатли амалий ёрдам бериш, уларни миллий ва халқаро стандартлар билан таъминлаш, сертификатлаштириш, маҳсулотларни синовдан ҳамда уларга тегишли бўлган ўлчаш воситаларини ўз вақтида метрологик текширувларни ўтказишда зарур имтиёзлар асосида ишни ташкил этиш ва бу йўналишда янгича ёндашувлар ташкил этилганлиги ҳақида маълумотлар берилди.