Ҳозирда техник жиҳатдан тартибга солиш тизимини тубдан такомиллаштириш, стандартларни ишлаб чиқиш ва амалиётга жорий этишнинг механизмини халқаро тажрибаларга уйғунлаштириш орқали янгича ишлаш услубига ўтиш жараёни амалга оширилмоқда.

Бунда, стандартларни ишлаб чиқиш, халқаро ва хорижий давлатларнинг миллий стандартларини қабул қилишда тармоқларда ташкил этилган стандартлаштириш бўйича техник қўмиталар муҳим аҳамиятга эга.

Ўзбекистон техник жиҳатдан тартибга солиш агентлиги ҳузуридаги Стандартлар институти стандартлаштириш бўйича тармоқ техник қўмиталарининг фаолиятини мувофиқлаштириб боради.

Шунга кўра, эндиликда вазирлик ва идоралар қошидаги стандартлаштириш бўйича техник қўмиталар фаолияти 10 мезон бўйича баҳоланиб, ҳар чорак якуни билан рейтинги эълон қилиб борилади.