Ўзбекистон Техник жиҳатдан тартибга солиш агентлиги масъуллари Агентлик ҳузуридаги Ўзбекистон миллий метрология институти, «UzTest» маркази ҳамда Департаментнинг Хоразм филиалларида бўлиб, давлат тилида иш юритилиши, лотин алифбосига ўтилиши, шунингдек, маънавий – маърифий йўналишда олиб борилаётган ишлар билан яқиндан танишишди.

Таъкидлаш лозим, Миллий метрология институти Хоразм филиали лабораторияларидаги ҳар бир асбоб ускунага давлат тилида лотин алифбосида тавсифномалар ёзиб қўйилган, ушбу тавсифномалар ёрдамида асбоб ускунанинг номидан тортиб, қаерда ишлаб чиқарилгани, яроқлилиги муддати, нималар бўйича метрология текширувлар ўтказилишини бемалол билиб олиш мумкин.

«UzTest» маркази ҳамда Департаментнинг филиаллари масъулларига ушбу соҳада қилиниши керак бўлган ишлар алоҳида кўрсатиб ўтилди, маънавият ва маърифат хонаси, кичик идоравий кутубхоналар ташкил этиш бўйича тавсиялар берилди.