Ўзбекистон техник жиҳатдан тартибга солиш агентлиги ташаббуси билан оммавий ахборот воситалари вакиллари иштирокида "Ангрен шакар" корхонасига пресс-тур ташкил этилди. Пресс-турда "Ангрен шакар" корхонаси ишлаб чиқариш фаолияти билан яқиндан танишилди.

"Ангрен шакар" корхонасида ишлаб чиқарилаётган маҳсулот сифатини таъминлаш мақсадида халқаро ISO 9001 сифат менежмент тизимлари корхонада жорий қилинган. Бу эса ўз навбатида корхонада ишлаб чиқариш жараёнлари тизимли йўлга қўйилганлигини билдиради.

"Ангрен шакар" корхонасига SGS халқаро ташкилоти томонидан ишлаб чиқариш жараёнида озиқ-овқат хавфсизлигини таъминлаш мақсадида халқаро даражада тан олинган замонавий FSSC 22000 стандарти асосида сертификатлар топширилди.