Ўзбекистон миллий метрология институти масъуллари Фарғона политехника институти раҳбарияти, профессор - ўқитувчилари билан амалий учрашув ўтказди.

Учрашувда Фарғона политехника институтидаги илмий изланишлар, ўқув жараёнлари, иқтидорли талабалар билан ишлаш, шу билан бир қаторда хорижий давлатларнинг илғор олий ўқув юртлари билан ҳамкорлик лойиҳалари билан танишилди.

Шунингдек, Ўзбекистон миллий метрология институти ва Фарғона политехника институти ўртасида саноат корхоналарига метрология йўналишида малакали кадрларни тайёрлаш, соҳага доир илм-фан ва таълимни ривожлантириш ҳамда 5+1 тамойили асосида талабаларнинг назарий билимларини ишлаб чиқариш корхоналарида амалиётларини ташкил этиш юзасидан ҳамкорлик келишуви имзоланди.