“Ўзстандарт” агентлиги ва унинг тизим-ташкилотларида соҳани ривожлантириш мақсадида илмий-тадқиқотлар доимий эътиборда. Бунда Олий таълим муассасалари билан ҳамкорликни йўлга қўйиш орқали, илмий-маърифий ва талабалар учун ўқув адабиётларни чоп эттириш амалга оширилмоқда.
Ўзбекистон миллий метрология институти Қашқадарё филиали раҳбари Улуғбек Амирқулов билан Қарши муҳандислик-иқтисодиёти институти олими Ўктам Маҳманов  ҳамкорлигида “Стандартлаштириш, метрология ва сифатни бошқариш” номли китоб чоп этилди.
Китоб Олий таълим тизимидаги стандартлаштириш, метрология ва сифатни бошқариш йўналишларида таълим беришга мўлжалланган. Янги китобнинг ўқитувчилар ва мураббийлар байрами арафасида чоп этилгани яхши хабар сифатида қабул қилиниб, шубҳасиз соҳани ривожлантиришга ёрдам беради.