Шахсий гигиена ва умумий тозаликка дунё миқёсида пандемия давричалик алоҳида эътибор қаратилмаган эди. Албатта бугунги кунда, қўлни мунтазам ювиш, иш ва яшаш жойларини тоза сақлаш юқумли касалликлар тарқалишини камайтириш учун  муҳим омиллардан ҳисобланади.

Халқаро стандартлаштириш ташкилоти (ISO) томонидан ҳам  уй хўжаликлари ва саноат тармоқларини вируслар, бактериялар ва бошқа патогенлардан ҳимоя қилишда ёрдам берадиган бир қатор стандартлар  ишлаб чиқилган.

ISO 18184 “Тўқимачилик - Тўқимачилик маҳсулотларининг вирусга қарши фаоллигини аниқлаш”- ишлаб чиқарувчилар ўз маҳсулотларини ҳақиқатан ҳам ишлаётганлигини билишнинг муҳим воситасидир, чунки у муайян вирусларга қарши синов усулларини тақдим этади. Ушбу стандарт тўқув ва трикотаж матоларга, толалар, иплар ва шунга ўхшаш тўқималарга қўлланади.

ISO 21702 “Пластмасса ва бошқа ғовакли бўлмаган сиртларда  вирусга қарши фаолликни ўлчаш” - антивирал воситалар билан ишлов берилган маҳсулотлар вирусларга қарши тура оладими ва шу билан бозор талабларига мос келишини текширишнинг самарали усуллари аниқланади

ISO 20743 “Тўқимачилик - Тўқимачилик маҳсулотларининг антибактериал фаоллигини аниқлаш”- барча антибактериал тўқимачилик маҳсулотларининг, шу жумладан мато, дока, ип, кийим-кечак, чойшаблар, уй анжомлари ва бошқаларнинг антибактериал фаоллигини аниқлаш учун миқдорий синов усулларини белгилайди.

ISO 22196 “Пластмасса ва бошқа ғовакли бўлмаган сиртларда антибактериал фаолликни ўлчаш”- ишлаб чиқарувчиларга уларнинг антибактериал  жараёнларига қанчалик яхши бажаришини баҳолашга ёрдам беради.

ИСО ташкилоти ҳаво филтрлари учун хам бир қатор стандартларга эга, улар ишлаб чиқарувчиларга муҳим сифат текширувларини ўтказишда ёрдам беради.

ISO 16890 “Умумий шамоллатиш учун ҳаво филтрлари”- ҳаво филтрларининг ишлаши, самарадорлигини изчил ва мазмунли текшириш,  асбоб-ускуналар, материаллар, техник хусусиятлар, талаблар ва жараёнларни тавсифлайди.

Ушбу стандартларнинг барчаси БМТнинг 2015 йилдан кейинги даврга мўлжалланган тараққиёт дастури ва Барқарор ривожланиш мақсадларига  амалий ёрдам бериб келмоқда.

Мазкур халқаро  стандартлар ҳақидаги қўшимча маълумот олиш учун  “Ўзстандарт” агенгтлиги Халқаро ҳамкорлик бошқармасига, ёки Стандартлар институтига ва  қуйидаги ҳаволага мурожаат қилишингиз  мумкин https://www.iso.org/news/ref2541.html

        «Ўзстандарт» агентлиги

Халкаро муносабатлар бошқармаси