Бутун жаҳон метрология куни муносабати билан «Ўзстандарт» агентлиги тизимидаги Ўзбеистон миллий метрология институти масъуллари билан Жаҳон банки экспертлари ўртасида видеоконференцалоқа  ўтказилди.
ВКА «Ўзстандарт» агентлиги ва Жаҳон банки вакиллари ўртасидаги Метрология ва аккредитация масалалари бўйича эксперт муҳокамалар ўтказиш бўйича келишув доирасида ташкил этилди.Онлайн учрашувда Ўзбекистон миллий метрология институти директор Л. Саидорипов, директор ўринбосари Н. Раймжонов, шунингдек бўлим бошлиқлари иштирок этдилар. Шунингдек, «Ўзстандарт» агентлигидан учрашувда Бош директор маслаҳатчиси А. Пардаев иштирок этди.
   ВКАда эталонлар базасини кенгайтириш, халқаро аккредитация (КООМЕТ, ТУРКАК) олиш, шунингдек, илмий тадқиқот натижаларини тижоратлаштиришга кўмаклашиш масалаларини муҳокама қилинди.Онлайн учрашув натижаларига кўра ЎзММИ фаолиятида рақамлаштиришни кенг жорий этиш, эталонлар базасини кенгайтириш, тиббиёт ва фармацевтика соҳаларида метрологик хизматлар турларини кўпайтириш, шунингдек, нуфузли халқаро ва минтақавий метрология ташкилотларига аъзо бўлишга кўмаклашиш бўйича аниқ таклифлар асосида қўшма иш дастурини ишлаб чиқиш ва амалга ошириш орқали ҳамкорликни мустаҳкамлаш тўғрисидаги келишувга эришилди.