“Ўзстандарт” агентлигининг ташаббуси билан “GLOBAL G.A.P.” халқаро стандарти асосида “UZ G.A.P.” миллий стандартини ишлаб чиқиш бўйича II Миллий техник ишчи гуруҳининг йиғилиши бўлиб ўтди.

Мазкур йиғилишда ишчи гуруҳ аъзолари томонидан бажарилган ишлар тўғрисида ҳисоботлар тингланди, жумладан “UZ G.A.P.” лойиҳасини халқаро талаблар билан мувофиқлаштириш ва уни ишлаб чиқиш тартиблари ҳамда қўлланиш доиралари кўриб чиқилди.

 

Шунингдек, давра суҳбатида “GLOBAL G.A.P.” халқаро стандартининг асосий талаблари ва унинг афзалликлари тўғрисида тақдимотлар намойиш этилди. Тақдимотлар асосида эса “UZ G.A.P.” стандартини амалиётга тадбиқ қилиш, қишлоқ хўжалик маҳсулотларини етиштирувчи ва экспорт қилувчиларга мазкур стандартни сертификатлаштириш жараёнларида белгиланган меъёрларга амал қилиниши каби соҳанинг муҳим масалалари атрофлича муҳокама қилинди.