Агентлик тизими ва унинг барча ҳудудлардаги филиалларида маънавий-маърифий ишларнинг самарадорлигини оширишга эътибор қаратилиб, доимий ишлар олиб борилмоқда. Барча ташқи ёзувлар, шу жумладан лавҳалар, эълонлар, реклама ва кўргазмали ахборот матнлари, ташқи реклама материалларининг давлат тили ва реклама тўғрисидаги қонун ҳужжатларига мувофиқ бўлиши таъминланди.

«Ўзстандарт» агентлиги томонидан юртимизнинг барча ҳудудларида сифатсиз ва стандарт талабларига номувофиқ бўлган маҳсулотлар ишлаб чиқарилиши ва аҳолига сотилишининг олдини олиш бўйича ўрганишлар олиб борилмоқда.

Республикамиздаги ишлаб чиқариш корхоналари томонидан экспорт ҳажмини ошириш ва географиясини кенгайтириш ҳамда халқаро бозорда рақобатбардошлигини ортириш ва ишлаб чиқариш жараёнида озиқ-овқат хавфсизлигини таъминлаш мақсадида халқаро даражада тан олинган замонавий FSSC 22000 стандартни жорий этган корхоналар сони 32 тага етди.

«Ўзстандарт» агентлиги, Ўзбекистон миллий метрология институтида аккредитациядан ўтказилган «Автотранспорт воситаларини ҳаракат тезлигини ўлчаш воситаларини қиёслаш ва калибрлаш» лабораторияси фойдаланишга топширилди.

«Ўзстандарт» агентлиги томонидан ишлаб чиқилган «Мувофиқликни баҳолаш тўғрисида»ги янги таҳрирдаги қонуни лойиҳаси Ўзбекистон Савдо-саноат палатаси, сертификатлаштириш идоралари ҳамда тадбиркорлик субъектлари ўртасида муҳокама қилинди.

Миллий матбуот марказида ҳамда Аккредитация маркази ҳамкорлигида “Халқаро аккредитация форуми (IAF) га тўлақонли аъзо бўлишнинг аҳамияти” мавзусида матбуот анжумани бўлиб ўтди.

Яқинда Алишер Навоий номидаги Тошкент давлат ўзбек тили ва адабиёти университетида «2020 – 2030 йилларда ўзбек тилини ривожлантириш ва тил сиёсатини такомиллаштириш концепциясини 2020 – 2022 йилларда амалга ошириш дастури» бўйича семинар бўлиб ўтди. Семинар Олий ва ўрта махсус таълим, Адлия вазирликлари, Давлат хизматлари агентлиги, «Ўзстандарт» агентлиги «Ўзбекистон миллий метрология институти», Тошкент давлат иқтисодиёт университети, Истеъмолчилар ҳуқуқларини ҳимоя қилиш агентлиги ва бошқа манфаатдор идоралардан вакиллар иштирок этишди.

«Давлат байроғи тўғрисида»ги қонун қабул қилинганлигига 29 йил тўлди. Ўзбекистон Республикаси Олий Кенгашининг 1991 йил 18 ноябрдаги навбатдан ташқари VII сессиясида тасдиқланган Давлат байроғи - мамлакат давлат суверенитетининг рамзи ҳисобланиб, у ер юзида мустақил Ўзбекистон давлати борлигини англатади ва ўзида миллий-маданий анъаналаримизни мужассамлаштиради.