Navoiy viloyati Karmana tumanida faoliyat yuritayotgan 1 ming 400 kichik tadbirkorlik subyektining 100 ga yaqini oilaviy korxonalardir. 40 dan ortiq turdagi qandolat mahsulotlarini aholi dasturxoniga yetkazib berayotgan “Tiramisu” oilaviy korxonasi ulardan biri. 

Korxona rahbari Ma’suda Yormuhammedova to‘rt yil davomida yakka tartibdagi tadbirkor sifatida ishlab, joriy yildan oilaviy korxona faoliyatini yo‘lga qo‘ydi. Ishchilar soni ham, ish ko‘lami ham ortdi. 

— Oila farovonligi ko‘p jihatdan ayollarga bog‘liq, - deydi M.Yormuhammedova. — Yurtimizda xotin-qizlar tadbirkorligini rivojlantirishga alohida e’tibor qaratilib, keng imkoniyatlar yaratilayotgani oilalar turmush farovonligini oshirishda muhim ahamiyat kasb etmoqda. 

Manba: O‘zA