Oʻzbekiston texnik jihatdan tartibga solish agentligining “Oʻzbekiston ilmiy-sinov va sifat nazorati markazi” davlat muassasasi va “Oʻzbekiston milliy metrologiya instituti” davlat muassasasi Qoraqalpogʻiston Respublikasi filiallari masʼul xodimlari birgalikda hududda faoliyat yurituvchi mahalliy eksportyor va ishlab chiqaruvchi sanoat korxonalar faoliyati bilan yaqindan tanishish va sohga oid masalalarda amaliy yordam berish maqsadida Beruniy tumanida faoliyat yurituvchi “Rayxon apparel” MCHJ korxonasida boʻldildar.
Ushbu yangidan ishga tushirilgan korxona tayyor kiyim ishlab chiqarishga moʻljallangan boʻlib, yillik quvvati 5 mln. dona 15 turdagi tayyor trikotaj kiyim-kechaklarni tashkil qiladi. Korxonaning eksport hajmini 8-10 mln. AQSH dollariga yetkazish rejalashtirilgan va hozirgi kunda Rossiyaga oʻz mahsulotlarini eksport qilib kelmoqda. Korxonada 300 dan ortiq ish oʻrni yaratilgan.
Masʼullar tomonidan yangi korxona rahbariyati bilan muzokara oʻtkazilib, ishlab chiqarilayotgan mahsulotlarni xalqaro standartlar asosida sertifikatlashtirish, standart talablariga toʻliq javob bera oladigan xavfsiz mahsulotlar ishlab chiqarish va sohga oid masalalar yuzasidan tegishli tavsiyalar berildi. 
Tadbir davomida korxona masʼullariga “GSP+” imtiyozlar tizimi doirasida mahsulotlarni eksportga yoʻnaltirish afzalliklari hamda importyor davlatlarda mahsulotlarga qoʻyilgan talablar yuzasidan tegishli maʼlumotlar taqdim etildi va boshqa davlatlarga eksportga yoʻnaltirish masalalari ham muhokama qilindi.
Korxona rahbariyati bilan kelgusida birga ishlashga kelishib olindi.