“Uztest” markazi Qashqadaryo filiali Mahsulotlarni eksport qilishga koʻmaklashish byurosi tomonidan doimiy ravishda eksportyor korxonalari qoʻllab-quvvatlab, ularga amaliy yordam koʻrsatib kelinmoqda.

Xususan, Nishon tumandagi “Oydin charm eksport” xususiy korxonasi faoliyati oʻrganilib, korxona tomonidan yetishtirilayotgan qovun mahsulotini xorijga eksport qilish yuzasidan huquqiy tushuntirish va tavsiyalar berildi. Natijada tadbirkor tomonidan xalqaro “Global gap” sertifikatini olish uchun ariza topshirildi. Hozirda hujjatlarni rasmiylashtirish ishlari olib borilmoqda.