Oʻzbekiston milliy metrologiya instituti masʼullari Fargʻona politexnika instituti rahbariyati, professor - oʻqituvchilari bilan amaliy uchrashuv oʻtkazdi.
Uchrashuvda Fargʻona politexnika institutidagi ilmiy izlanishlar, oʻquv jarayonlari, iqtidorli talabalar bilan ishlash, shu bilan bir qatorda xorijiy davlatlarning ilgʻor oliy oʻquv yurtlari bilan hamkorlik loyihalari bilan tanishildi.
Shuningdek, Oʻzbekiston milliy metrologiya instituti va Fargʻona politexnika instituti oʻrtasida sanoat korxonalariga metrologiya yoʻnalishida malakali kadrlarni tayyorlash, sohaga doir ilm-fan va taʼlimni rivojlantirish hamda 5+1 tamoyili asosida talabalarning nazariy bilimlarini ishlab chiqarish korxonalarida amaliyotlarini tashkil etish yuzasidan hamkorlik kelishuvi imzolandi.
