“Oʻzstandart” agentligi va Yevropa Elektrotexnika Standartlashtirish Qoʻmitasi (CENELEC) oʻrtasida litsenziya kelishuvi imzolandi.

Litsenziya kelishuvining imzolanishi natijasida, Yevropa Elektrotexnika Standartlashtirish Qoʻmitasi (CENELEC) dan standartlarini olish va keng foydalanish imkoniyati yaratildi.

Ushbu Yevropa standartlari mahalliy elektrotexnika mahsuloti ishlab chiqaruvchilarga oʻz mahsulotlarini Yevropa standartlariga muvofiq ishlab chiqarish, sifatini yaxshilash, raqobatbardoshligini oshirish va ularni eksportga yetkazib berishni koʻpaytirishda xizmat qiladi.

Yevropa Elektrotexnika Standartlashtirish Qoʻmitasi (CENELEC) standartlari boʻyicha qoʻshimcha maʼlumot olish uchun “Oʻzstandart” agentligi yoki Agentlik huzuridagi Standartlashtirish, sertifikatlashtirish va texnik jihatdan tartibga solish ilmiy-tadqiqot instituti» davlat muassasasi (Standartlar instituti)ga murojaat qilishingiz mumkin.

“Oʻzstandart” agentligi
Xalqaro hamkorlik boshqarmasi