Hozirgi kunda Respublikamiz miqyosida mustaqilligimizning 25 yilligini munosib kutib olishga qizg‘in hozirlik ko‘rilmoqda. Barcha idora va tashkilotlarda bo‘lgani kabi ”O‘zstandart” agentligida ham bayramga munosib sovg‘alar hozirlanmoqda.
 

Azal-azaldan xalqimizda obodonchilikka, ko‘priklar va yo‘llarni qurishga, hamda o‘zi yashayotgan manzillarni gulu-chamanzorga aylantirish oliy qadryat hisoblangan.
Ana shunday yuksak mezonlarga tayangan holda “O‘zstandart” agentligi rahbariyatining tashabbusi bilan mustaqillik bayrami arafasida agentlikning bosh binosi yonida muhtasham bog‘ barpo qilindi. Bog‘ atrofi qayta ta’mirlanib, xodimlarning bo‘sh vaqtlarini mazmunli o‘tkazishlari uchun barcha qulayliklar yaratildi.
Bir so‘z bilan aytganda, qurib foydalanishga topshirilgan shinam va go‘zal bog‘ agentlik va uning tarkibidagi korxona va tashkilotlarning xodimlari uchun chinakam bayram sovg‘asi bo‘ldi.