“O’zstandart” agentligida 2019 yil 15 aprel kuni O’zbekiston Respublikasi Vazirlar Mahkamasining 2017 yil 2 oktyabrdagi “Moylash materiallari, texnik moylar va texnik suyuqliklarga talablar to’g’risidagi umumiy texnik reglamentni tasdiqlash haqidagi hamda 2017 yil 21 noyabrdagi “Аvtomobil va aviatsiya benziniga, dizel va kema yonilg’isiga, reaktiv dvigatellar uchun yonilg’iga va mazutga qo’yiladigan talablar to’g’risidagi umumiy texnik reglamentni tasdiqlash haqidagi qarorlariga o’zgartish kiritish yuzasidan umumiy texnik reglamentlar loyihalarini ekspertizadan o’tkazish bo’yicha texnik jihatdan tartibga solish sohasidagi Ekspert komissiyasining navbatdagi yig’ilishi bo’lib o’tdi.

Yig’ilish davomida komissiya a'zolari tomonidan bir qator taklif va kamchiliklar berildi, jumladan reglamentlarga o’zgartirish loyihalarini  xalqaro talablar bilan muvofiqlashtirish, shuningdek texnik reglamentlarni fizik-kimyoviy ko’rsatkichlari qayta o’rganib chiqildi.

Berilgan taklif va kamchiliklar ko’rib chiqilgandan so’ng mazkur texnik reglament o’rnatilgan tartibda Vazirlar Mahkamasiga tasdiqlash uchun kiritiladi.