Standartlashtirish, metrologiya va texnik jihatdan tartibga solish ilmiy-tadqiqot instituti bazasida Standartlashtirish bo‘yicha xalqaro (ISO) tashkilotining texnik qo‘mitalariga a’zo bo‘lgan mutaxassislar uchun seminar tashkillashtirildi.

Ushbu seminarda “O‘zstandart” agentligi va uning tashkiliy tuzilmalari, “O‘zbek-turk test markazi”, Turizmni rivojlantirish davlat qo‘mitasi va boshqa tashkilotlardan vakillar ishtirok etdi.

Tadbir davomida texnik qo‘mita a’zolariga ISO standartlarni ishlab chiqish tartibi, eCommittees (ISOTC) nomli dasturdan foydalanish tartibi, a’zolarning vazifalar va huquqlari to‘g‘risida atroflicha ma’lumotlar berildi.